Nikhil Vettukattil
NAARCA-mi (Nunani Avannarlerni Sila pillugu Eqqumiitsuliortut Suliniaqatigiiffianni) suleqatigiinnermut ilanngullugu eqqumiitsuliortoq atuakkiortorlu Nikhil Vettukattil maanni Narsami Nunat Tamalaat Ilisimatusarfianni najugaqaatigaluni suliaqarpoq. Nikhil Indiami Bengalurumi inuusimavoq, maannalu Oslomi najugaqarpoq sulillunilu.
Taanna Narsami Nunat Tamalaat Ilisimatusarfianni najugaqarnermini suliniummik ineriartortitsissaaq, suliniutikkullu tassuuna Avannaarsuani nerisassanik tunisassiornerup siammarterinerullu ilisimatusarfigineqarnerat kiisalu tamatuma silap ajornartorsiutaaneranut atassuteqarnera misissuiffigissavai.
Nerisassat qanoq ittut Nunani avannarlerni, aammali Japanimi, Ruslandimi, Saamit Nunaanni kiisalu Canadami Turtle Islandimi kiisalu Kalaallit Nunaanni piujuartitsinermik kinguneqartarpat, kiisalu peqqinnartuullutillu CO2-mik annikitsumik aniatsinermik nassataqartarpat?
Nikhil taanna Kalaallit Nunaanni inuuneq, kulturi nerisallu, piniarneq igasarnelu pillugit paasisaqarusuttuuvoq kiisalu inunnik nerisassanik nunallu naasuinik suliaqartartunik naapitserusulluni. Periaatsit qanganitsat nutaanerusullu akuleruttarpai, suliffissuaqalernerup naatitsisartunngornerullu siornagut inuit qanoq iliortarsimanersut misissortarlugit. Suliniumminut ilanngullugu nerisassiornermi najoqqutassianik suliaqartarpoq akeqanngitsumik siammarterneqartussamik. Aammattaaq atisat atoqqitassat nerisassiornermi najoqqutassiaminik allapalaariffigisarpai nerisassiornermut najoqqutassiat suliani taamaalilluni siammartertarumallugit.
Taassuma suliai uani saqqummersinneqassapput: Kunsthall Oslo (2022), Nasjonalmuseet, Oslo (2022), K-U-K, Trondheim (2021), CAPC, Bordeaux (2021), Art Hub Copenhagen (2021), K4 Galleri, Oslo (2021), Louise Dany, Oslo (2020), EKA Gallery, Tallinn (2020), Kristiansand Kunsthall (2020), Le Bourgeois, London (2019). Saqqummersitsinissai ilaatigut tassaapput: Counterimaginaries- Tromsø Kunstforening (2023), FELIX GAUDLITZ, Vienna (2023).
Nikhil eqqumiitsuliortut ataatsimooqatigiiffiannut Tenthaus and Carriemut ilaavoq, kiisalu saqqummersitsivimmut Kunstforbundetimut kiisalu Institute for Scene Experimentsimut peqataallini. Tenthausimut ilaanerminut atatillugu MOMENTUM 12 ukioq allortarlugu ingerlanneqartartoq maajimi 2023-imi aaqqissuisooqataaffigissavaa.