Siunertaq

Narsami Misissuivik suliniutinut piujuaannartitsinermik kiisalu Kalaallit Nunaata ilikkagaqarfiginissaanut periaasissanik ineriartortsiviussaaq kiisalu tamaani qaangerniagassanik, apeqqutinik periarfissanillu paasinninnissamut periaasissanik ineriartortitsiviussalluni. Misissuivik atorlugu nukiit nutaamik kattunneqartassapput, nunat tamalaat attaveqatigiiffii pilersinneqassallutik kiisalu ilisimasat periaatsillu assigiinngitsut suleqatigiisinneqassallutik, taavalu innuttaasunik, suliniaqatigiiffinnik aalajangiisartunillu peqateqarluni suliniutit najukkami sorlalerneqartassallutik. Misissuisoqarfimmi pingaartinneqarnerpaassapput najukkami ilisimasaqassutsimik pingaartitsineq kiisalu nunarsuarmioqatigiit ilungersunartorsiutaat pillugit oqallinnermut peqataaneq, tamakkuninnga saqqummiussisarneq, kiisalu nunarsuarmioqatigiit ajornartorsiutaannik paasiniaanermi najukkami ilisimasanik atorluaaneq.

Sumiiffia

Narsaq Kalaallit Nunaanni aalajangigassat annertuut, immaqalu pisariaqarnerpaalersimasut sumiiffippiaani ippoq. Pineqartut tassaapput aalajangiinerit siunissamut ungasinnerusumut tunngasut, soorlu namminersortunngorneq, nunat allamiut aningaasaliisartut, aatsitassarisorneq avatangiisinillu illersuineq, piujuaannartitsineq, oqartussaaqatigiinneq, nunalerineq, attaveqaatit, takornariartitsineq, kulturikkut kingornussat aammalu silap pissusiata allanngornera kiisalu nunarsuarmioqatigiit akornanni Kalaallit Nunaata politikkikkut inissisimanera. Aalajangiinerit tamakku pingaassusiat Narsami ilisimatusarfimmik pilersitsinermut pissutaarpiarput. Sumiiffik pingaaruteqaraluaqisoq taamaattoq kinguariartorfiuvoq, aammalu suleriaatsit nutaat ungasinnerusorlu isigalugu aalajangiinerit pisariaqarput.

Kalaallit Nunaanni kulturi, pinngortitamik inuiaqatigiinnillu paasinninnerit, kiisalu aalajangiinerit siunissamullu takorluukkat massakkut nunap killiffigisimasai ilinniarfissaaqaat. Taamattaaq suleriaatsit misilittakkallu nunarsuarmioqatigiinniit tunniunneqarsinnaasut Kalaallit Nunaannit pisariaqartinneqarput.

Kalaallit, danskit, nunat avannarliit nunallu tamalaat kulturikkut ilisimatusarnikkullu misissuivii suleqatigalugit Misissuivik ilisimatuussutsikkut eqqumiitsuliornikkullu ilisimatusarneq eqqarsaatigalugit suleqatigiinernik nutaanik pilersitsiviussaaq.

Taamaaliornikkut ilisimatusartut, eqqumiitsuliortut suliniaqatigiiffiillu suleqatigiissut Narsap eqqaani kiisalu Kalaallit Nunaanni tamarmi pissutsinik immikkut ittunik silarsuup sinneranut toqqaannartumik toqqaannanngitsumillu sunniuteqartunik paasisaqalersinnaapput: pinngortitaq immikkut ittoq, nunap sananeqaataa, aningaasarsiornikkut inooqatigiinnikkullu pissutsit kiisalu Danmarkip nunasiaatiliusimasutut Kalaallit Nunaannut sunniutigisimasaa sulilu sunniuteqarnera.

Misissuivik ilisimatuussutsikkut eqqumiitsuliornikkullu misissuisarnerit suliaqartarnerillu aqqutigalugit silap allanngornerinik nunarsuarmilu pissaanerup agguataarsimaneranik qanimut paasisaqarnissamut periarfissiissaaq. Minnerunngitsumi Misissuivik nunap immikkoortuata tamatuma kulturikkut kingornutai naliitsuusut eqqumaffigineqartilissavai kiisalu najukkami innuttaasunik suliffeqarfinnillu peqatigalugit periarfissanik nutaanik suleqatigiinnernillu nutaanik pilersitsissalluni.

Nunat inoqqaavi allat assingusunik ilungersunartorsiuteqarput, suliniummi nunat inoqqaavisa allat misilittagaat ilisimasaallu atorluarneqartassapput.

Suliniutit

Narsap eqqaa samminerullugu suliniutinik ineriartortitsiumallugu Narsamiinnissamut qinnuteqartoqarsinnaavoq. Narsamiisinnaanissamut tunngavissat pingaarutilerujussuit tassaassapput suliniutip siunertaa aammalu najukkami inunnut attaveqarnissami suleriaaseq kiisalu suliniutit tamanut ammasuunissaata naatsorsuutigineqarnera. Narsamiinneq apriilimiit oktoberimut qaammami ataatsimi pisaruni pitsaanerpaassaaq. Sivisuumik Narsamiitoqarsinnaassaaq ukiukkut (novemberimiit martsimut sivikinnerpaamik qaammatini pingasuni.

Najugaqartut pisussaaffeqassapput suliniutiminnik najugaqartunut ingerlatitseqqittassallutik (soorlu Narsap Katersugaasivianut, atuarfinnut, katersugaasivinnut, katersortarfinnut kiisalu Narsami eqqaanilu suliniaqatigiiffinnut). Najukkami inuiaqatigiinnut saqqummiussineq assigiinngitsorpassuartigut pisinnaavoq, soorlu oqalugiarnikkut, suliaqartitsinikkut, filmimik takutitsinikkut, saqqummersitatigut, isiginnaartitsinikkut imaluunniit Kommune Kujallermi Narsami ilaaffigisaanik atuarfinni atuartitsinikkut.

Suliniut siunissami ungasinnerusuni ilisimasanik katersuivinngussaaq, tassanilu Narsap eqqaanut attuumassuteqartunik ilisimatusarnerit toqqorsiveqalissallutik. Toqqorsivik nittartakkatigut Narsallu Katersugaasiviatigut iserfigineqarsinnaassaaq, katersugaasivimmilu Narsap eqqaamiunit atorneqarsinnaassaaq ilinniartitsinerimlu atorneqarsinnaassalluni, kiisalu ilisimatusariartorlutik takkuttunut ilisimasanik aallarfissiatut atuutissalluni.

Pilersaarutigineqarpoq illu immini nittartakkatigut Kalaallit Nunaannut nunanullu tamalaanut sammisunik saqqummiisarfittut atuutissasoq.

Misissuivik atorlugu eqqumiitsuliortut ilinniagartuullu Kujataaniinissamut aningaasatigut aaqqissugaanikkullu periarfissaqalissapput, kiisalu tamaani najugaqartut attavissaqalernissaat isertitaqarnissamullu periarfissaqalernissaat anguniarneqassalluni.

Misissuivik

Misissuivik Narsap qeqqaniippoq Narsap Iluanut Kuannersuarnullu, Narsap illoqarfianut kangerlummullu isikkiveqarluni. Illu quleriinnik marlunnik sanaajuvoq quleriillu tamarmik ineqarput suliaqarfiusunik/najugaqarfiusunik. Najugaqarfiusut marluullutik marlunnik siniffeqarput, sullivissamik nerriveqarlutik marlunnillu issiaveqarlutik. Illu igaffeerannguaqarpoq nerrivimmillu nerisarfinnguaqarluni kiisalu kuuffilersukkamik uffartarfeqarluni. Illu maannakkut uffarfeqanngilaq kisiannili illumiit minutsit tallimani ungasitsigisumiittumiittumi timersortarfimmi uffartarfeqarpoq saunartarfeqarlunilu. Illu kiassaateqarpoq wifi-mullu internetsimut attavigissaarluni.

Nunap immikkoortuanut tunngatillugu paasissutissat allat: Narsaq Kommune Kujalleq

Narsamukarluni aqqutissat:

• Aasaanerani Københavnimiit imaluunniit Reykjavikimiit Narsarsuup timmisartoqarfianut toqqaannartumik timmisartortoqarsinnaavoq. Narsarsuamukariarluni taava umiatsiarluni qulimiguulimmulluunniit ilaalluni Narsamukartoqarsinnaavoq.

• Taamaanngippat timmisartorluni Nuukkooriarluni Kangerlussuakkooriarluniluunniit Narsarsuamut timmisartoqqittoqarsinnaavoq. Tassanngaanniillu umiatsiamik qulimiguulimmilluunniit Narsamukarluni.

• Kalaallit Nunaanni umiarsuaq sinersortoq Narsamut aamma tikittarpoq.

Aaqqissugaaneq

Narsami ilisimatusarluni misissuiffik professorimit Lise Autogenamit (DK/UK) eqqumiitsuliornermi, ilusilersuinermi tusagassiuutinullu ilisimatusarluni misissuisarfimmi

professoriusumit pisortaasumillu Sheffield Hallamimi Tuluit Nunaanni ilisimatusarfimmeersumit ineriartortinneqarsimavoq. Autogena suliniummi ulluinnarni aqutsisuuvoq. Narsameersumik ataqatigiissaarisussamik suleqateqarluni misissugassanut assigiinngitsunut tunngatillugu attavissat naleqquttut attavigineqarsinnaapput. Suliniutit suuneri apeqqutaatillugit ilisimatitsisarnerit sumiiffimmi atuarfiit, aaqqissuussat katersugaasiviillu aqqutigalugit pisarput.

Suliniummi siulersuisuniipput Ivalo Motzfeldt (GL), Paul Cohen (GL), Peter Berliner (GL/MX), Lise Autogena (UK), Iben Mosbæk (DK) aamma Peter Wissing (DK). Suliniut Sheffield Hallam University, Statens Kunstfond og Kunsthal Århusimeersoq tapiisorarlugit ineriartortinneqarpoq.

Ilisimatusarluni misissuiffiup Kalaallit Nunaanni nunarsuarmilu tamarmi kulturikkut illorsuit misissuinermillu ingerlatallit isumaqatigiissuteqarfigisarpai.

• Lise Autogena, assilialianik eqqumiitsuliortoq, professori Lise Autogenamit (DK/UK) eqqumiitsuliornermi, ilusilersuinermi tusagassiuutinullu ilisimatusarluni misissuisarfimmi professoriusoq pisortaasorlu Sheffield Hallamimi Tuluit Nunaanni ilisimatusarfimmeersoq (ADMRC)

• Iben Mosbæk, eqqumiitsuliornerup iluani oqaluttuarisaanermik ilisimatusarsimasoq, Kunsthal Aarhusimi pisortaaneq

• Ivalo Motzfeldt, Aqutsisoq, Narsaq

• Jesper Enevoldsen, oqaluttuarisaanermik ilisimatusarsimasoq Narsamilu Katersugaasivimmi pisortaq

• Nivi Christensen, Nuummi Eqqumiitsulianik Katersugaasivimmi pisortaq

• Claudia Lastra, Centre for Art, Science & Technology, Englandimiittumi pisortaaneq oqaluttuarisaanermilu ilisimatusarsimasoq

• Susanne Andreasen, Nunatta Isiginnaartitsisarfiani pisortaq

• Rasmus Leander Nielsen, Inuiaqatigiilerinermik, Aningaasaqarnermik Tusagassiornermillupolitolog (cand.scient. pol./Statskundskab), Ilisimatusarfik, Adjunkti

• Professor Maria Ackren, Kalaallit Nunaanni Ilisimatusarfimmi inuiaqatigiilerinermi lektori

• Javier Arnaut, Kalaallit Nunaanni aningaasaqarnermik Ilisimatusarfimmi lektori

• Josephine Nymand, Kalaallit Nunaanni Pinngortitaleriffimmi Avatangiisinut Aatsitassanullu immikkoortortaqarfimmi aqutsisoq

• Violeta Hansen (qinngornernik ilisimatusarsimasoq), Aarhus Universitetimi Biosciencemi issittumut ilisimatusarfik, Danmarkimi avatangiisinut nukissiuuteqarnermilu misissuinermik ingerlatsiveqarfik Dansk Center for Miljø og Energi

• Kristine Lynge-Pedersen, Cand. scient. soc. Nunalerinermut attaveqaqatigiinermullu

• Birger Poppel, Emeritus, Kalaallit Nunaanni Ilisimatusarfimmi Institute for Learning

• Mariia Simonsen, Kalaallit Nunaanni Tusagassiuutilernermi Ilisimatusarfimmi lektori Narsami najugalik

• Kalaallit Nunaanni Nunalerinermik Siunnersorteqarfik

• Anders Mosbech, Aarhus Universitetimi Biosciencemi kiisalu issittumut ilisimatusarfimmi kiisalu Danmarkimi avatangiisinut nukissiuuteqarnermi misissuinermik ingerlatsiveqarfimmi Dansk Center for Miljø og Energimi misissueqqissaarnermi siunnersuinermilu pisortaq

• Kalaallit Nunaanni Savaatillit Peqatigiit

• Inuk Jørgensen, filmiliortartoq Narsameersoq Nuummi najugalik

• Magga Karlsen, ikaartiterisartoq narsarmioq

• Irene Jensen, Narsami Inuussutissalerinermik Ilinniarfimmi inuussutissalerinermi ilinniartitsisoq

• Vivi Johansen-Stolt, Narsami Inuussutissalerinermik Ilinniarfimmi inuussutissalerinermi ilinniartitsisoq

• Kisser Thorsøe, Danmark aamma Kalaallit Nunaat sinnerlugit Naalagaaffiup Ujarassiornikkut Misissuisarfianni (GEUS) chefkonsulent

• Ivalo Egede Lund, Narsami peqqissaasuuneq

• Mariane Paviasen, qulimiguulerisoq, Narsami Urani Naamik

• Ulrik Pram Gad, Senior Researcher, Foreign policy and diplomacy, DIIS

• Københavnimi Kalaallit Illuat (ilisimatitsisarnermi suleqatigineqartoq)

• Joshua Portway, multimedietigut eqqumiitsuliortoq, Tuluit Nunaat